ᓄᓇᕗᒻᒥ ᓂᕿᖃᐃᓐᓇᖅᑎᑦᑎᓂᕐᒧᑦ ᑲᑐᔾᔨᖃᑎᒌᒃᑯᖏᑦ ᑲᑐᔾᔨᓂᐅᕗᑦ ᒐᕙᒪᓂ ᐱᓕᕆᕝᕕᐅᔪᓂ, ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂᑦ, ᒐᕙᒪᐅᙱᑦᑐᓂ ᑲᑐᔾᔨᖃᑎᒌᓂ ᐊᒻᒪᓗ ᓇᖕᒥᓂᖃᖅᑎᐅᔪᓂ ᐃᑲᔪᖅᑎᒌᒃᑐᑦ ᐊᑲᐅᓯᕚᓪᓕᖅᑎᑦᑎᓇᓱᒃᖢᑎᒃ ᓂᕿᖃᐃᓐᓇᖃᑦᑕᖕᓂᖕᒥᑦ ᓄᓇᕗᒻᒥᑦ.
ᓄᓇᕗᒻᒥ ᓂᕿᖃᐃᓐᓇᑎᑦᓯᓂᕐᒧᑦ ᑲᑎᒪᕐᔪᐊᕐᓂᕐᒧᑦ ᑲᑎᒪᒋᐅᔪᔪᑦ ᓯᕗᓪᓕᖅᐹᒥᑦ ᔫᓂ 26, 2012 ᐃᖃᓗᓐᓂᑦ. ᑲᑎᒪᓂᖅ ᐃᓚᒋᔭᖃᔪᔪᖅ ᑭᒡᒐᖅᑐᐃᔨᓂᑦ 7-ᓂᑦ ᐱᓕᕆᕝᕕᓐᓂᑦ ᒐᕙᒪᒃᑯᓐᓂᑦ ᓄᓇᕗᒻᒥ ᐊᒻᒪ ᓯᑕᒪᓂᑦ ᐃᓄᐃᑦ ᑲᑐᔾᔨᖃᑎᒌᖏᓐᓂᑦ. ᐃᓚᒋᔭᐅᔪᑦ ᓄᓇᕗᒻᒥ ᓂᕿᖃᐃᓐᓇᑎᑦᓯᓂᕐᒧᑦ ᑲᑎᒪᕐᔪᐊᕐᓂᕐᒧᑦ ᑕᐃᒪᖓᓂᑦ ᐊᖏᓪᓕᒋᐊᖅᓯᒪᔪᖅ ᐃᓚᒋᔭᐅᑦᓱᑎᒃ ᐅᑯᐊ ᑲᑐᔾᔨᖃᑎᒌᑦ:
- ᑯᐊᐸᒃᑯᑦ ᐃᓚᒌᓴᒃᑯᑦ
- ᐊᕐᕕᐊᒥ ᖃᓄᐃᓐᖏᑦᑎᐊᕐᓂᕐᒧᑦ ᑐᑦᑕᕐᕕᒃ
- ᓄᓇᕗᑦ ᒐᕙᒪᒃᑯᑦ
- ᐃᓕᑕᖅᓯᓂᖅ − ᓄᓇᕗᒻᒥ ᐅᖃᓕᒫᕐᓂᕐᒧᑦ ᑎᑎᕋᕐᓂᕐᒧᑦ ᑲᑎᒪᔩᑦ
- ᐃᓕᓴᖅᓯᕕᒃ ᑲᑐᔾᔨᖃᑎᒋᑦ
- ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ
- ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖏᑦ
- ᓴᓂᐊᓂ ᐊᓪᓚᕝᕕᒃ
- ᓂᐅᕕᖅᑎᒃᑯᑦ
- ᓄᓇᕗᒻᒥ ᓱᒃᑰᓗᐊᖁᔨᓐᖏᓂᕐᒧᑦ ᑎᑎᕋᕐᕕᖓᑦ
- ᓄᓇᕗᒻᒥ ᓯᓚᑦᑐᓴᕐᕕᒃᑯᑦ
- ᓄᓇᕗᒻᒥ ᐱᕙᓪᓕᐊᔪᓕᕆᓂᕐᒧᑦ ᑯᐊᐳᕇᓴᒃᑯᑦ
- ᓄᓇᕗᒻᒥ ᖃᐅᔨᓴᕐᕕᐅᔪᖅ
- ᓄᓇᕗᒻᒥ ᑐᓐᖓᕕᒃᑯᑦ ᑎᒥᖁᑎᖓᑦ
- ᐱᓕᕆᐊᖅ ᓄᓇᕗᒻᒥ
- ᖃᐅᔨᒋᐊᖅᑏᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᖃᐅᔨᓴᕐᕕᐅᔪᖅ
- ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ
- ᑐᑭᓯᒋᐊᕐᕕᒃ ᑲᑎᕝᕕᒃ
ᐃᓚᒋᔭᐅᔪᑦ ᓄᓇᕗᒻᒥ ᓂᕿᖃᐃᓐᓇᑎᑦᓯᓂᕐᒧᑦ ᑲᑎᒪᕐᔪᐊᕐᓂᕐᒧᑦ ᐃᓱᒪᖅᓲᑎᒋᔭᖅ ᒪᑐᐃᖓᑦᓱᓂᓗ ᓄᓇᕗᒻᒥ ᑲᑐᔾᔨᖃᑎᒌᓄᑦ ᐃᓚᒋᔪᓐᓇᕋᑦᑎᒍ ᑕᑯᓐᓇᖅᑕᑎᓐᓂᑦ ᓂᕆᔭᑦᓴᖃᑦᓯᐊᖁᔨᓂᕐᒥᑦ ᓄᓇᕗᒻᒥ.