ᓄᓇᕗᒻᒥ ᓂᕿᒃᓴᖃᕆᐊᖃᕐᓂᕐᒧᑦ ᑲᑐᔾᔨᖃᑎᒌᖏᑦ ᐃᑲᔫᑎᓂᒃ ᑮᓇᐅᔭᖃᖅᑎᑕᐅᕙᒃᑐᑦ ᓄᓇᓕᖕᓂ ᒐᕙᒪᐅᔪᓄᑦ ᐊᒻᒪᓗ ᑮᓇᐅᔭᓕᐅᕋᓱᐊᙱᑦᑐᓄᑦ ᒪᑭᒪᓂᐅᑉ ᐸᕐᓇᐅᑎᖏᓐᓃᑦᑐᑦ ᑎᑭᐅᑎᔭᐅᓇᓱᖕᓂᖏᓐᓄᑦ.
ᑐᙵᕕᒋᔭᐅᔪᓄᑦ ᑮᓇᐅᔭᒃᓴᑦ – ᓄᓇᓕᐅᑉ ᓂᕿᒃᓴᓄᑦ ᑎᒥᖓ
ᐱᔾᔪᑎᒋᕙᐅᒃ ᓄᓇᕗᒻᒥ ᓂᕿᒃᓴᖃᕆᐊᖃᕐᓂᕐᒧᑦ ᓄᓇᓕᖕᓂ ᐱᒋᐊᖅᑎᑕᐅᔪᓄᑦ ᑐᙵᕕᒋᔭᐅᔪᓄᑦ ᑮᓇᐅᔭᒃᓴᓄᑦ ᐱᓕᕆᐊᖓᑕ ᐃᑲᔪᖅᓱᖅᑕᐅᓂᖏᑦ ᓄᓇᓕᖕᓂ ᓂᕿᒃᓴᖃᕆᐊᖃᕐᓂᕐᒧᑦ ᐃᖏᕐᕋᓂᖏᓐᓄᑦ ᑎᒦᑦ ᑐᙵᕕᒋᖏᑦ (ᓲᕐᓗ ᐊᕐᕌᒍᓕᒫᒧᑦ ᑮᓇᐅᔾᔭᒃᓴᓕᐊᑦ, ᐊᐅᓚᑦᑎᓂᖅ, ᐃᓂᒃᓴᒥᒃ ᐊᑐᖅᑐᐊᕐᓂᖅ), ᐃᓂᓪᓚᒃᓯᒪᑦᑎᐊᕐᓗᑎᒃ ᓂᕿᒃᓴᖃᕆᐊᖃᕐᓂᕐᒧᑦ ᐱᔨᑦᑎᕈᓐᓇᕐᓂᐊᕋᒥᒃ ᖃᖓᒃᑰᕐᕕᒃᓴᖃᖅᑎᑦᑎᔪᓐᓇᕐᓂᐊᕋᒥᒡᓗ.
ᐱᔪᓐᓇᖅᑎᑕᐅᔪᑦ ᐱᓕᕆᐊᑦ ᐃᒪᓐᓇᐅᓛᖅᑐᑦ:
- ᑲᑦᑐᖅᓯᒋᐊᖅᑎᑦᑎᓂᖅ ᑐᓗᖅᑕᕈᑕᐅᔪᓂᒃ ᐱᔪᓐᓇᕐᓂᕐᒧᑦ ᓂᕿᒃᓴᓂᒃ ᐊᒻᒪᓗ ᑲᑦᑐᖅᓯᒋᐊᖅᑎᑦᑎᓂᖅ ᐊᔪᖅᓴᓗᐊᕐᓂᕐᒥᒃ.
- ᓂᕆᓕᕆᓂᕐᒧᑦ ᑎᒥᐅᑉ ᐃᖏᕐᕋᔪᓐᓇᕐᓂᖏᓐᓄᑦ ᑐᙵᕕᖏᑦ ᐃᑲᔪᖅᑕᐅᓂᖏᓐᓄᑦ ᐃᓂᓪᓚᒃᓯᒪᑦᑎᐊᕐᓂᖅᓴᐅᔪᓐᓇᕐᓂᐊᕐᒪᑦ ᐱᔨᑦᑎᕈᓐᓇᕐᓂᖏᓐᓄᑦ ᖃᖓᒃᑰᕐᕕᒃᓴᖃᖅᑎᑦᑎᓂᖏᓐᓄᑦ ᐊᕐᕌᒍᓗᒃᑖᐸᓗᒃ ᐊᒻᒪᓗ ᓂᕆᒃᓴᓄᑦ ᐱᓕᕆᐊᖃᖅᑎᑦᑎᓂᕐᒧᑦ ᑐᐊᕕᕐᓇᙱᑦᑐᒃᑯᑐᐊᖅ.
ᑮᓇᐅᔭᑦ ᐅᖓᑖᓅᙱᑦᑐᑦ $250,000 ᐊᕐᕌᒍᑕᒫᑦ ᐊᑐᓂ ᑎᒥᐅᔪᒧᑦ ᐊᑐᐃᓐᓇᐅᔪᑦ ᑖᔅᓱᑎᒎᓇᖅ ᑮᓇᐅᔭᖅᑎᒍᑦ.
ᓂᕿᒃᓴᖃᕆᐊᖃᕐᓂᕐᒧᑦ ᐱᓕᕆᐊᒃᓴᑦ
ᐱᔾᔪᑎᒋᕙᐅᒃ ᓄᓇᕗᒻᒥ ᓂᕿᒃᓴᖃᕆᐊᖃᕐᓂᕐᒧᑦ ᓄᓇᓕᖕᓂ ᐱᒋᐊᖅᑎᑕᐅᔪᓄᑦ ᐱᓕᕆᐊᖓᑕ ᐃᑲᔪᖅᓱᖅᑕᐅᓂᖏᑦ ᐱᓕᕆᐊᒃᓴᑦ ᑐᕌᒐᖃᖅᑐᑦ ᓂᕆᒃᓴᖃᙱᓗᐊᖅᑐᓂᒃ.
ᐱᔪᓐᓇᖅᑎᑕᐅᔪᑦ ᐱᓕᕆᐊᑦ ᐃᒪᓐᓇᐅᓛᖅᑐᑦ:
- ᐃᑲᔪᖅᓱᕈᑎᐅᔪᑦ ᐋᖅᑭᒃᑕᐅᓂᖏᑦ ᑐᕌᒐᖃᖅᑐᓂᒃ ᑕᐃᒃᑯᓂᖓ ᓂᕆᔭᒃᓴᖃᙱᓗᐊᖅᑐᓄᑦ.
- ᓄᓇᕗᒻᒥᐅᑦ ᐃᖕᒥᓂᒃ ᒪᑭᒪᔪᓐᓇᖅᐹᓪᓕᖅᑎᑕᐅᓂᖏᑦ ᓇᖕᒥᓂᖅ ᓂᕿᒃᓴᖃᕆᐊᖃᖅᑕᒥᓄᑦ ᐃᕚᓪᓕᕈᓐᓇᕐᓂᐊᕐᒪᑕ ᐃᓅᓯᖃᐅᓯᕐᒥᒃ ᓂᕿᖃᕈᓐᓇᕐᓂᕐᒥᒡᓗ ᐱᔪᓐᓇᕐᓂᖃᕈᓐᓇᖅᓯᕙᓪᓕᐊᓂᒃᑯᑦ;
- ᑲᔪᖏᖅᓴᐃᓗᑎᒃ ᕿᑐᕐᖓᖏᓐᓂᒡᓗ ᐃᓕᑦᑎᕙᓪᓕᐊᖁᓪᓗᒋᑦ ᓂᕿᖃᕈᓐᓇᕐᓂᕐᒧᑦ ᐃᓅᓯᖃᐅᓯᕐᒃ ᐱᔪᓐᓇᕐᓂᖃᕈᓐᓇᖃᑎᒌᖁᓪᓗᒋᑦ;
- ᑲᑦᑐᖅᓯᒋᐊᖅᑎᑦᑎᓂᖅ ᑐᓗᖅᑕᕈᑕᐅᔪᓂᒃ ᐱᔪᓐᓇᕐᓂᕐᒧᑦ ᓂᕿᒃᓴᓂᒃ ᐊᒻᒪᓗ ᑲᑦᑐᖅᓯᒋᐊᖅᑎᑦᑎᓂᖅ ᐊᔪᖅᓴᓗᐊᕐᓂᕐᒥᒃ.
ᐊᐃᑦᑑᑏᑦ ᐅᖓᑖᓅᙱᑦᑐᑦ $25,000 ᐊᑐᐃᓐᓇᐅᔪᑦ ᐱᓕᕆᐊᒃᓴᕐᓄᑦ ᑐᕌᒐᖃᖅᑐᓄᑦ ᓂᐅᕕᖃᖅᑕᐅᓂᖏᓐᓄᑐᐊᖅ ᓂᖀᑦ ᑐᓂᐅᖅᑲᖅᑕᐅᔪᒃᓴᑦ ᐅᕝᕙᓘᓐᓃᑦ ᓂᕿᑖᕈᑎᒃᓴᐃᑦ.
ᑐᓴᖅᑎᑦᑎᓗᑎᑦ ᐅᕘᓇ foodsecurityapplications@gov.nu.ca ᖃᐅᔨᒋᐊᒃᑲᓐᓂᕈᒪᒍᕕᑦ.