Nunavunmi Niqighaqattiarniqmut Katimayiit ikayuqtiuvaktut manighaqnikkut nunallaarni kavamanut manighiunngittunullu ikayuutighait iniqhinahuariamik Makimaniqmik Parnaiyautainik.
Manighaqvilluat – Nunallaarnit Niqitarnikkut Timiqutauyut
Havaaghaita taapkua Nunavunmi Niqighaqattiarniqmut Nunallaarni Havaanguyut Manighaqvilluangat Ikayuutighait ikayuutauyughat havaangulluaqtunut nunallaarni niqighaqviuyunit (taapkuatut, akilihiugaghanut, titiraliqiniqmut, inighaqaqniqmut), taimaa iniriiqhimayaamik niqighaqaqtittiyaamik ikayuutikkut aullaqtitaigullu.
Ilaunginnarialgit havaaghatigut taimailiurahuat:
- Ikighivaalliqlugit ayuqhautauyut niqighaqaqniqmut ilingaiyainahuaqlutik.
- Ikayuqtiulutik havaaghalluanginut niqighaqviuyunik taimaa nakuuyumik ayuqnaiqpaalliriamik ikayuutighainik aullaqtihimayainullu amihuutqiyanit uplunit ukiumi niqitaqvighaliuriamiklu irininaqtukkut niqighaqtaqtut kinguani.
Manighautit amigaitqiyakkut taimaa $250,000-taalanik ukiuq tamaat timiqutinut piinnarialiuyut hapkua Manighautikkut.
Niqighaqattiarniqmut Havaaghait
Nunavunmi Niqighaqattiarniqmut Nunallaarni Havaaghainut Ikayuutit ikayuutauyughat havaaghanut ihumagiplugit taapkua niqighailliuqtut.
Ilaunginnarialgit havaaghatigut taimailiurahuat:
- Ikayuqtighaliuqlutik taapkuninnga niqighailliuqtut.
- Amigaiqpaallirahuaqhugit inmikkut niqighaqattiarniq Nunavunmiunut ayuqnaiqpaallirahuaqhugulu niqighaqattiarniq talvuuna inuuhiqnut niqighaqattiarniqmullu ilihimayaghakkut;
- Aghuuqhaqlugit angayuqqaat nutaqqallu ayuiqpaalliriamik niqighaqarniqmut inuuhiqnullu ilihimayaghanik atauttikkut;
- Ikighivaalliqlugit ayuqhautauyut niqighaqaqniqmut ilingaiyainahuaqlutik.
Manighautit amigaitqiyakkut $25,000 taalamik piinnarialgit havaaghanut ihumayunik niuvrutauyughanik niqighanik aittuutighat niuvrutighakkullu.
Titiraqlugit qaritauyakkut: foodsecurityapplications@gov.nu.ca naunaittiarumaguffi.