Ikayuutiginiaqtavut niqainnat hivulliulugu niqikhanut Nunavunmiunut.
Niqainnait nakuukpiaktunut niriyakhani, atuqtaukpiakpaktuq Inuit pitquhiinni, ikayuutauvluni nakuukpiaktunut, ihuaqtunut, Inmikkut pittaaqtunut nunallaani. Kihimi, ihumagiyauyuq taimaa niqainnait atuqtaulluarungnaiktut nirivaktaptingni. Ilangit pidjutingit niqainnanut piyaanginni ilihimahuiramik pitquhiraluami kangikhihimayainik, akituvallaaqhutik tamayat an’nguniarutit sikiituutitut, qilamik inugiakhivallaaqhuni, nunakyuami ihariahukpiaqhutik ihuirutivlutik aturianginni pitquhiraluami hulilukaarutingit, allannguqhutik niqikharilluaqtangit, hilaup alannguqtirutaillu pinnaiqhutik aturinginni an’nguniarviit ihuirutauvlutiklu huradjanut. Tammaqtaililugu avatingnit atuqtakhavut niqikharvikput pidjutilluaq ihuaqtunut niqikhanut Nunavunmi taimaatullu ihumagiyauyuq niqailliurnaittumik.
Hivunighangit: |
|
| 1.1 | Ikayuqlugit an’nginiaqtit pitquhirmingni atuqpaktamingnik inuuhiudjutiqarianginni. |
| 1.2 | Ikayuqluhi taimaa Nunavunmiut ayuqhaqpiaktut niqailliurnirmut piyaanginni niqainnanik. |
| 1.3 | Pipqaqhimmaaqlugit niqainnanik payuklutik ikayuqatigiigutikhainut. |
| 1.4 | Naunaiyaklugit ihuaqtut niuvaadjutikhanut niqainnanut. |
| 1.5 | Ihuaqhiyuumilugit nunallaami auladjutikhat ikayuutingit an’nguniaqpaktunut tutqurvikhainut, payuktautikhanut unalu, ihuaqtumik, niurutigilugit an’nguniaqhimayamingnik. |
| 1.6 | Aadjikkiiknahugitlugit piyumayainut Nunavunmiut hivunighaliurutikhallu huradjanut tammaqtailinikkut. |
| 1.7 |
Niritquvaklugit allatqiinik niqainnanik.
|