Nunavunmi Niqikhaqaqnikkut Katimayiit naunaiktait hitamat ilangit niqailliurnaittumik: pittaaqtanut (Amihut an’nguniarakhat nunami niqikhanulluuniit niuvirvikmi), piinnariaqaqtanut (manikhaqaqlutik annguniarutikhanut tamayakhanut sikiituutut unaluunniit Niuvvaavingmit Niqikhaqpagainut, pittaaqlugulu piyaangani), nakuuyunut (nakuuyut niqikhat pitquhirmut ihuaqtunut), atuqlugillu (kangiqhihimalutik qanuq piyaanginni, tutquumayaanginni, igalugit, nirilugillut). Ukuat ilagiyait ihuaqtumik piyughauyut niqailliurnaittumik, taimaalu pidjutiqaqhutik amihunut ayungnaqtunut pidjutinginnut Nunavunmi.
Kavamatkut iliharviuyullu ikayuqpaktut ilittuqhaidjutikhanut kangikhidjutikhanut tamainnut pidjutinginnut ihuaqhiutikhanut niqailliurnirmut Nunavunmi. Tamainnut kangikhihimayaat taimaa una angiyuq ayuqhautaudjutaa angitqiyauyuq havagnahuaqtanginnut atauhiqmit havagviuyumit. Havaqatigiigutikhaq ihuatqiyauyuq.
