ᓴᖅᑭᔮᖅᑎᑦᑎᒋᐊᕐᓂᐊᖅᑐᒍᑦ ᐃᓄᐃᑦ ᓂᕿᖏᓐᓂᒃ ᓂᕿᓪᓗᐊᑕᕆᔭᐅᓗᓂ ᓄᓇᕗᒻᒥᐅᓄᑦ.
ᐃᓄᐃᑦ ᓂᕿᖏᑦ ᐊᒃᓱᐊᓗᒃ ᓂᕿᑦᑎᐊᕙᐅᒻᒪᑕ, ᐊᑑᑎᖃᒻᒪᕆᑦᑐᑎᓪᓗ ᐃᓄᐃᑦ ᐃᓕᖅᑯᓯᖓᓄᑦ, ᐊᒻᒪ ᐃᑲᔪᕐᓂᖃᖅᑐᑎᒃ ᓴᓐᖏᔪᓂᒃ, ᒪᑭᒪᔪᓐᓇᓂᐊᖅᑐᓂᒃ, ᐃᒻᒥᒧᑦ ᒪᑭᒪᔪᓐᓇᖅᑐᓄᑦ ᓄᓇᓕᓐᓄᑦ. ᑭᓯᐊᓂᓕ, ᐃᓱᒫᓗᒍᑎᑕᖃᕐᒥᒻᒪᑦ ᑕᒪᒃᑯᐊ ᐃᓄᐃᑦ ᓂᕿᖏᑦ ᐱᔭᐅᓗᐊᕈᓐᓃᕐᒪᑕ ᐊᔾᔨᒌᓐᖏᑦᑐᓂ ᐅᓪᓗᒥᐅᔪᖅ ᓂᕆᔭᐅᕙᓕᖅᑐᓂᒃ. ᐃᓚᖏᑦ ᐱᔾᔪᑎᒋᔭᐅᔪᑦ ᐃᓄᐃᑦ ᓂᕿᖏᓐᓂᒃ ᐱᓐᖏᓂᖅᓴᐅᓕᕐᓂᖏᓐᓄᑦ ᖃᐅᔨᒪᓗᐊᕈᓐᓃᖅᑐᑎᑦ ᐃᓕᖅᑯᓯᑐᖃᐅᔪᓂᒃ, ᐊᑭᑐᓗᐊᕐᓂᖏᓐᓂᒃ ᐊᓯᕙᕈᑎᒃᓴᐅᔪᑦ, ᐃᓄᒋᐊᒃᓯᕙᓪᓕᐊᓗᐊᕐᓂᖏᓐᓄᑦ, ᓇᒥᓕᒫᖅ ᐊᔪᖅᓴᓗᐊᓕᖅᐸᓪᓕᐊᓂᖏᑦ ᓄᖅᑲᖓᑎᑦᑎᒻᒪᑦ ᐱᓇᓱᐊᕐᓂᕐᒥᒃ ᐃᓕᖅᑯᓯᑐᖃᖁᖅᑎᒍᑦ ᖃᓄᐃᓕᐅᕐᓂᕐᒥᒃ, ᐊᓯᔾᔨᐸᓪᓕᐊᓂᖏᓐᓄᑦ ᓂᕿᒋᔭᐅᔪᒪᓂᖅᓴᐅᓕᖅᑐᖅ, ᐊᒻᒪ ᓯᓚᐅᑉ ᐊᓯᔾᔨᐸᓪᓕᐊᓂᖓᓄᑦ ᐊᖑᓇᓱᕝᕕᐅᕙᓚᐅᖅᑐᑦ ᐊᑐᐃᓐᓇᒍᓐᓃᕐᓂᖏᓐᓄᑦ ᐊᒻᒪ ᐊᑦᑐᐃᓂᖃᕐᓂᖏᓐᓄᑦ ᐆᒪᔪᓂᒃ. ᐱᐅᖅᓱᐊᕐᓂᖅ ᓂᕿᒋᔭᐅᔪᓐᓇᖅᑐᓂᒃ ᐃᓚᒋᓪᓗᐊᑕᕐᒪᒍ ᓂᕿᑖᕈᓐᓇᐃᓇᕐᒧᑦ ᓄᓇᕗᒻᒥ ᐊᒻᒪ ᑕᒪᓐᓇ ᐃᓱᒫᓗᓇᕈᑎᒋᕙ ᓂᕿᒃᓴᖃᑦᑎᐊᖏᓐᓂᕐᒧᑦ.
ᑐᕌᖅᑕᐅᔪᑦ: |
|
| 1.1 | ᐃᑲᔪᖅᑐᕐᓗᒋᑦ ᐊᖑᓇᓱᑦᑎᐅᔪᑦ ᑲᔪᓯᔪᓐᓇᕐᓂᐊᕐᒪᑕ ᐊᖑᓇᓱᓐᓂᕐᒧᑦ ᐆᒪᔪᓐᓇᕐᓂᕐᒧᑦ. |
| 1.2 | ᐃᑲᔪᕐᓗᒋᑦ ᓄᓇᕗᒻᒥᐅᑦ ᑕᒪᒃᑯᐊ ᓂᕿᒃᑲᖃᓐᖏᓗᐊᕐᓂᐅᓴᕙᑦᑐᑦ ᐱᔪᓐᓇᖅᓯᕙᓪᓕᐊᔪᓐᓇᓂᖅᓴᐅᖁᓪᓗᒋᑦ ᐃᓄᐃᑦ ᓂᕿᖏᓐᓂᒃ. |
| 1.3 | ᓴᖅᑭᔮᖅᑎᐸᓪᓕᐊᓗᒍ ᑲᔪᓯᑎᑕᐅᓂᖓ ᐃᓄᐃᑦ ᓂᕿᖏᓐᓂᒃ ᑲᑐᔾᔨᖃᑦᑕᕐᓂᐅᔪᖅ. |
| 1.4 | ᖃᐅᔨᓇᓱᐊᕐᓗᑎᒃ ᖃᓄᖅ ᒪᑭᒪᔪᓐᓇᖅᑐᒥ ᓂᐅᕐᕈᑎᒃᓴᖃᕈᓐᓇᓂᕐᒥᒃ ᐃᓄᐃᑦ ᓂᕿᖏᓐᓂᒃ. |
| 1.5 | ᐱᐅᓯᑎᒋᐊᕐᓗᒋᑦ ᓄᓇᓕᓐᓂ ᐱᖁᑎᕐᔪᐊᖑᔪᑦ ᐱᕕᖃᖅᑎᑦᑎᓂᕐᒧᑦ ᐊᖑᓇᓱᑦᑎᐅᔪᓂᒃ ᑐᖅᑯᐃᓯᒪᕕᖃᕈᓐᓇᖁᓪᓗᒋᑦ, ᐅᐸᓗᖓᐃᔭᐃᓗᑎᒃ, ᑲᑐᔾᔨᓗᑎᒃ ᐊᒻᒪ, ᓇᒻᒪᒃᐸᑦ, ᓂᐅᕐᕈᑕᐅᔪᓐᓇᕐᓗᑎᒃ ᐆᒪᔪᖅᑕᖏᑦ. |
| 1.6 | ᑕᐃᒪᐃᓪᓗᐊᖅᑎᑕᐅᓇᓱᐊᕐᓗᑎᒃ ᑭᓐᖑᒪᔭᖏᑦ ᓄᓇᕗᒻᒥᐅᑦ ᐊᒻᒪ ᐆᒪᔪᓂᒃ ᐱᐅᖅᓱᐊᕋᓱᐊᕐᓂᖅ. |
| 1.7 |
ᐃᓄᐃᑦ ᓂᕿᖏᓐᓂᒃ ᐊᔾᔨᒌᓐᖏᑦᑐᓂᒃ ᓂᕆᓂᖅᓴᐅᖃᑦᑕᖁᔨᕙᓪᓕᐊᓗᑎᒃ.
|